ОФИЦЕР БҮРЭЛДЭХҮҮНИЙ СУРГАЛТ ЗОХИОН БАЙГУУЛЛАА

6-1.jpg

Онцгой байдлын газрын даргын 2024 оны 02 дугаар сарын 14-ний өдрийн А/16 дугаар тушаалаар “Офицер бүрэлдэхүүний сургалт-2024” арга хэмжээг өнөөдөр буюу 2024 оны 02 дугаар сарын 15-ны өдөр зохион байгууллаа. Сургалтын үйл ажиллагааг нээж, Онцгой байдлын газрын дарга, дэд хурандаа Ц.Лувсанжамц  офицер бүрэлдэхүүнд хандан манлайлал, ур чадвараа дээшлүүлэх, ажлын хариуцлага, уялдаа холбоог сайжруулах, сахилга, ёс зүйг эрхэмлэн, үйл ажиллагаандаа хууль, дүрэм журам, стандартыг мөрдөж, нээлттэй, ил тод зарчмыг баримтлан, идэвх санаачлагатай ажиллахыг хүсээд амжилт хүслээ.

Офицер бүрэлдэхүүний сургалтын хүрээнд аймгийн Засаг даргын Тамгын газрын Цэргийн штабын хэлтсийн дайчилгааны офицер, хошууч Г.Мөнхбаяр “Монгол улсын батлан хамгаалах бодлого, дэлхийн цэрэг, улс төрийн өнөөгийн байдал”, ерөнхий боловсролын 2 дугаар сургуулийн багш Н.Дагиймаа “Манлайлал”, Говь-Алтай аймгийн төрийн цахим үйлчилгээний хэлтсийн дарга Н.Сумъяабазар “Байгууллагын мэдээллийн аюулгүй байдал, цахимжилттай холбоотой зарим хуулийн заалт”-аар тус тус мэдээлэл хийлээ.

Мөн Радио телевизийн сүлжээний үйл ажиллагаатай танилцаж, Онцгой байдлын газрын офицер бүрэлдэхүүний “Хамгийн хамгийн” шилдгүүдээ шалгаруулж, Онцгой байдлын газрын дарга дэд хурандаа Ц.Лувсанжамц гарын бэлэг, дурсгалын зураг гардуулж алба хаагчдад цаашдын ажилд нь амжилт хүсч, цаашид хэрэгжүүлэх арга хэмжээний талаар хэлэлцүүлэг зохион байгуулж, холбогдох үүрэг чиглэлийг өглөө.

Сургалтын төгсгөлд офицер бүрэлдэхүүний дунд “Гар бөмбөг”, “Сагсан бөмбөг”-ийн бооцоот тэмцээнийг зохион байгууллаа.

Сагсан бөмбөгийн төрөлд нэгдүгээр байрт Газрын орлогч, урьдчилан сэргийлэх тасгийн дарга, дэд хурандаа Т.Баттүвшин ахлагчтай 2-р баг, Гар бөмбөгийн төрөлд нэгдүгээр байрт 161 дүгээр салбарын дарга, хошууч Н.Хүрэлсүх ахлагчтай 3-р баг тус тус шалгарлаа.

scroll to top